Прочитайте молитву Пресвятой Богородице «Казанской» 4 раза.

Молитва Пресвятой Богородице перед иконой «Казанская»

О Пресвятая Владычице Богородице, Царице Небеси и земли высшая ангел и архангел и всея твари честнейшая, чистая Дево Марие, миру благая Помощнице, и всем людем утверждение, и во всяких нуждах избавление! Призри и ныне, Тоспоже Всемилостивая,на рабы Твоя, Тебе умиленною душею и сокрушенным сердцем молящаяся, со слезами к Тебе припадающия и поклоняющияся Пречистому и цельбоносному образу Твоему, и помощи и заступления Твоего просящия.

О Всемилостивая и Премилосердная Дево Богородице Чистая! Воззри, Госпоже, на люди Твоя: мы бо грешнии не имамы иныя помощи, разве Тебе и от Тебе рождшагося Христа Бога нашего. Ты ecu Заступница и предстательница наша, Ты ecu обидимых защищение, скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение. Сего ради, о Богомати, к Тебе прибегаем, и на Твой Пречистый образ с Предвечным на руку Твоею держимым Младенцем, Господем нашим Иисусом Христом, взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему, яко Тебе слава подобает ныне и присно и во веки веков. Аминь.